الضرة المجهوله لمنى السيد ٢

الأول إنه يدخل شريك معاه غير لما أحمد أثبتله إنه حاطط كاش ومسيّل استثمارات تقيلة في مشروعه ده... يعني أنا مش مقصرة معاه في حاجة! طبعاً يا حبيبتي، أنتي ألف مين يتمناكي. بس قوليلي... هو أحمد لسه بياخد كريم ابنه الويك إند الجاي؟ نسمة اتلخبطت وبصتلي مش عارفة... هو قال إن الولد تعبان شوية وأمه موديّاه عند دكتور في المعادي. أنا أصلاً مقبلتش الولد غير مرتين، بس قلبي واجعني عليه، هو ملوش ذنب في عمايل أمه المادية اللي بهدلت أحمد وسابته عشان الفلوس. ابتسمت في سري بمرارة. أحمد مسوّق لنسمة إن منى هي
اللي مادية وسابته، ومسوّق لأهله زمان إني أنا اللي مقصرة، وهو الشيطان الوحيد اللي لابس توب الضحېة الملاك!
طب إيه رأيك يا نسمة... ما تيجي نشرب حاجة بعد الشغل النهارده؟ أنا عازماكي على كافيه هادي في التجمع، عندي ليكي فكرة بخصوص الشركة الجديدة بتاعتكم دي ممكن توفر عليكم ملايين في التأسيس وتخلي باباكي ينبهر بيكي. عينيها لمعت بفرحة بجد يا داليا؟! أنتي بجد مفيش في طيبة قلبك وجدعنتك! خلاص، نخلص الساعة خمسة ونطلع سوا.
اليوم مشي بالمسطرة والقلم. الساعة خمسة ونص كنا قاعدين في كافيه راقي ومقفول في شارع التسعين.
نسمة كانت بتتكلم بحماس عن أحلامها وعن الفيلا اللي أحمد نقاها وعن الفرح اللي عايزين يعملوه في الجونة، وأنا كنت بسمع وبسجل كل كلمة بموبايلي اللي كان محطوط على الترابيزة وشه لتحت وشغال تسجيل صوتي.
نسمة، إنتي مش قولتيلي إن باباكي هو الشريك التاني في شركة فيرتكس بنسبة 50؟ أه، بابا داخل بالاسم والعلاقات والترخيص بتاع الهيئة، وأحمد داخل بالسيولة والإدارة المالية. طب إنتي شوفتي أوراق التحويلات اللي أحمد عملها من حسابه للشركة؟ نسمة استغربت من السؤال لأ بصراحة، بابا والمحامي هما اللي بيراجعوا الحاجات دي... بس أحمد وراني إشعارات التحويل البنكي على الموبايل، كانت مبالغ ضخمة، معدية المليون وتلتميت ألف جنيه تقريباً. طلعت من شنطتي ورقة متطبقة، وحطيتها على الترابيزة قدامها. شوفي دي كدة يا نسمة. نسمة مدت إيدها ومسكت الورقة، كانت صورة من كشف الحساب البنكي بتاعي أنا وأحمد المشترك، اللي فيه حركة السحب بتاعة ال 850 ألف، والتحويلات التانية، ومتعلم على اسم الحساب بالأصفر حساب استثماري مشترك أحمد عز الدين عبد القادر داليا رضوان إبراهيم.
نسمة بصت للورقة، وحواجبها اتعقدت بعدم فهم إيه ده يا داليا؟ مين داليا رضوان دي؟ بصيت في عينيها بثبات، وشربت بؤ من العصير بتاعي، وقولت بكل هدوء الدنيا داليا رضوان دي... تبقى أنا. نسمة ضحكت ضحكة مش مرتاحة أنتي؟ أنتي اسمك داليا رضوان إبراهيم؟ طب والورقة دي بتاعة إيه؟ وإيه علاقة حسابك ب... الكلام وقف
في زورها فجأة. عينيها وسعت بطريقة مرعبة، والورقة في إيدها بدأت تترعش زي ورقة شجر في مهب ريح خريف. بصت لاسم أحمد عز الدين، وبصت لاسمي، وبصت للمبالغ والتواريخ اللي مطابقة بالمللي لتواريخ إيداعات شركة فيرتكس!
داليا... أنتي بتهزري صح؟ ده تشابه أسماء صح؟ طلعت بطاقتي الشخصية من المحفظة، وحطيتها فوق الورقة. الاسم داليا رضوان إبراهيم. الحالة الاجتماعية متزوجة من أحمد عز الدين عبد القادر.
نسمة حطت إيدها التانية على بؤها، والدموع اتجمعت في عينيها في ثانية واحدة من هول الصدمة. النفس بدأ يتقطع عندها لأ... لأ مستحيل! أحمد قايلي إنه مطلق من سنتين! ووراني وثيقة الطلاق بتاعة منى! منى دي كانت مراته التانية يا نسمة... اتجوزها عليا من تلات سنين في السر وخلف منها كريم اللي انتي بتطبطبي عليه، وطلقها من ست شهور ورماها عشان يفضالك ويقنع باباكي إنه الراجل العازب اللقطة اللي ملوش غيرك!
نسمة كانت بتترعش كلها، الشفايف بتاعتها بقت بيضا زي الجير، والدموع نزلت شلال على خدودها حرام عليه... حرام عليه! ده خد مني تحويشتي أنا كمان! ده
بابا طلعله شيكات بضمان المشروع الجديد! ده كان بيقولي إنتي بنتي وحبيبتي وأهلي كلهم! قربت منها ومسكت إيدها المرتعشة بقوة، مش عشان أواسيها، عشان أثبتها في مكانها اسمعيني كويس يا نسمة واهدي خالص... أنتي دلوقتي قدامك طريقين مالهومش تالت. إما ټنهاري وټعيطي وتتصلي بيه دلوقتي فيعرف إننا كشفناه، فيلحق يسحب الفلوس من الحسابات ويهرب بيهم برة مصر أو يحطهم في أصول متسجلة بأسماء ناس تانية وساعتها لا أنتي ولا أنا ولا باباكي هنطول منه مليم أحمر والفضايح هترت في الشركة والوسط كله... نسمة بصتلي پذعر وهي بتشهق والطريق التاني إيه؟! الطريق التاني إنك تبلعي دموعك دي فوراً، وتسمعي كل حرف هقولهولك وتنفذيه بالحرف الواحد. إحنا الاتنين اتلعب بينا، بس أنا مش هخرج من اللعبة دي خسرانة، وباباكي كمان مش هيخرج مكسور. إحنا هنرجّع كل مليم اتسرق، وهناخد منه شقته وفلوسه، وهندفعه تمن كدبه وخيانته بالقرش واليوم والساعة!
نسمة مسحت دموعها بسرعة
بكم بلوزتها، الڠضب بدأ يبان في عينيها بدل الذهول قوليلي أعمل إيه يا داليا...
والله العظيم وبحق دموعي دي، لو طلبتي مني أهد المعبد عليه فوق دماغه لهده! ابتسمت ابتسامة النصر المبدئي، وطلعت ورقة تانية من الشنطة بصي بقى... أول خطوة هتبدأ من عند باباكي ومن عند المحامي بتاعه الليلة دي. بكرة الصبح هيكون في اجتماع طارئ لمجلس إدارة شركة فيرتكس في مكتب أحمد، بس المرة دي... الضيوف اللي هيحضروا الاجتماع مش هيكونوا متوقعين خالص! يتبع