الضرة المجهوله لمنى السيد ٢

رجل بكل هدوء يومي كان ممتع جداً... اتعرفت على التيم أكتر، وفي واحدة زميلتي اسمها نسمة، بنت لطيفة أوي وخاطبة جديد. أحمد كان بيشرب مية من الإزازة، فجأة حسيت رقبته اتشنجت، وحركة بلعه للمية وقفت ثانية قبل ما ينزل الإزازة ببطء شديد وعينيه تلف نحوي بحذر نسمة؟ نسمة مين؟ نسمة شريف... البنت اللي ماسكة علاقات المستثمرين. خطيبها جايبالها خاتم سوليتير تحفة، وبتقولي هيتجوزوا قبل آخر السنة دي إن شاء الله، ووراها بيزنس جديد وشركة إدارة أصول هتعملها معاه. وش أحمد بدأ يفقد لونه تدريجياً، وعينيه بقت تدور في الصالة كأنه بيدور على مخرج طوارئ أه... تمام. بس يعني يا داليا نصيحة مني، إنتي مديرة مشتريات، بلاش تختلطي بالموظفين وتدخلي في تفاصيل حياتهم الشخصية. البيئة دي بتبقى كلها حقد ونفاق، وكل واحد بيفشر باللي عنده. ليه بتقول كده يا أحمد؟ بالعكس، دي بنت طيبة جداً وعلى نياتها وخطيبيها ده بيحبها أوي ومأمنلها مستقبلها... حتى بتقولي إنها هتاخدني معاها يوم السبت نتفرج على فيلتهم في التجمع وننقي العفش سوا.
الكوباية في إيد أحمد اتهزت ووقعت منها نقط مية على البنطلون بتاعه. اتنفض من مكانه إنتي هتروحي فين؟! لأ طبعاً! أنتي اتهبلتي يا داليا؟ تروحي مع واحدة غريبة تتفرجي على شقق وعفش بصفتك إيه؟! أنتي ست بيت محترمة وعندك التزاماتك
وشغلك، إيه شغل الفضول بتاع الستات ده؟! بصيتله وعيني في عينيه، ملامحي مفيهاش أي انفعال، بنبرة باردة زي التلج مالك اتعصبت كده ليه يا أحمد؟ أنا قولت هعمل معاها واجب وأساعدها، ده حتى خطيبها مستشار مالي زيك بالظبط، قولت يمكن أعرف مين ويطلع من معارفك ويفيدك في البيزنس. أحمد بلع ريقه بصعوبة، وحاول يلم الموضوع ويبتسم ابتسامة باهتة مش راكبة على وشه لأ يا ستي مش متعصب ولا حاجة، أنا بس خاېف عليكي من التعب وعارف إنك مجهدة من الشغل الجديد ومش عايزك تشيلي هموم ناس متعرفيهمش... عموماً اعملي اللي يريحك بس متحرقيش وقتك ع الفاضي. أنا هدخل أنام عشان عندي سفرية بدري الصبح.
دخل الأوضة وقفل الباب، وسمعته بيتكلم في التليفون بصوت واطي جداً ومخڼوق في التواليت. كان بيرغي مع نسمة، أكيد كان بيحاول يفهم منها هي قالتلي إيه ولا فتحت بؤها بإيه، بس الغبي مكنش يقدر يقولها داليا دي مراتي، لأن نسمة كانت هتسيبه في ثانية والبيزنس اللي بيحلم بيه هيطير قبل ما يبدأ!
تاني يوم الصبح، أحمد نزل من البيت الساعة سبعة، وقال إنه مسافر إسكندرية لمقابلة عاجلة.
على الساعة عشرة، كنت قاعدة في مكتبي في الشركة، وتليفوني نور برسالة من نهى على الواتساب الملفات وصلت... افتحي ال PDF اللي باعتاهولك ده بس خدي نفسك الأول.
فتحت الفايل وإيدي مش حاسة بيها. القيد العائلي لأحمد عز الدين الزوجة الأولى داليا رضوان إبراهيم قائمة. الزوجة الثانية منى سمير الجوهري مطلقة غيابياً من 6 شهور. الأبناء كريم أحمد عز الدين تاريخ الميلاد مارس 2024 اسم الأم منى سمير الجوهري.
الصدمة التانية كانت تحت القيد العائلي، نهى كانت باعتة تقرير تحريات كامل عن منى دي منى سمير، 29 سنة، كانت السكرتيرة الخاصة لأحمد في مكتبه القديم من 3 سنين. اتجوزها عرفي الأول، ولما خلفت الواد وثق الجواز رسمي عشان يسجل الولد باسمه، ومن 6 شهور رماها وطلقها غيابي وطردها من الشقة بعد ما مضضاها على تنازل عن مؤخر الصداق ونفقة المتعة مقابل إنه يفضل يصرف
على ابنه ويسيبله شقة إيجار في مدينة نصر!
قريت السطور دي وحسيت بغثيان شديد. أحمد مكنش بس خاېن لمراته... أحمد كان ذئب بشړي، بيمشي في حياة الستات ينهب اللي يقدر عليه؛ نهب شبابي وفلوسي ومدخراتي وبنى بيهم اسمه، ونهب شرف منى وخلف منها الولد اللي كان نفسه فيه ورماها في الشارع أول ما لقى لقطة أكبر وأغنى نسمة شريف، بنت المستثمر الكبير والراجل التقيل اللي هيفتحله أبواب الملايين!
كان بيستخدم نسمة عشان يوصل لأبوها، وكان بيستخدم فلوسي أنا عشان يثبت لنسمة وأبوها إنه راجل تقيل ومعاه سيولة ويقدر يدخل شريك في شركة إدارة الأصول!
في اللحظة دي، دخلت عليا نسمة المكتب وهي وشها قالب ومكشرة لأول مرة أشوفها
كده. صباح الخير يا داليا. صباح النور يا نسمة، مالك شكلك مش عاجبني؟ قعدت على الكرسي وزفرت بضيق أحمد اتصل بيا امبارح بالليل متأخر وكان متنرفز جداً، وقالي إنه متضايق إني بحكي تفاصيل حياتنا لزمايل الشغل، وقالي بلاش نروح نتفرج على الفيلا يوم السبت عشان وراه شغل طارئ ولازم يسافر. سندت كوعي على المكتب وقربت منها بحنان مصطنع يا ستي متزعليش، تلاقيه بس مضغوط من مصاريف الجواز والشركة الجديدة. الرجالة لما بتتحط في مسؤوليات كبيرة بتتوتر وتفش غلها في أقرب حد ليها. بس أنا مش أي حد يا داليا! أنا حاطة اسم عيلتي وسمعة بابا في السوق عشانه! وبابا مكنش موافق في