ارجعى بيت أهلك

بصوت عالي عشان الجيران تسمع انا مسرقتكش يا حبيبي انا خدت حقي انت اللي بنيت شركتك بفلوس ورثي وانا اللي كنت بديرها وانت كنت بتمضي وخلاص والعقد الزمرد اللي مراتك الجديدة لابساه ده بتاعي انا جايباه بفلوس امي الله يرحمها
الست بصت للعقد وقلعته بسرعة كأنها ماسكة ڼار
جوزي قالي طب والكروت
قلتله الكروت باسمي والبنك لما شاف ان التفويض تلغى جمدها طبيعي روح كلم البنك قوله انا مين
قالي طب هاكل منين
قلتله زي ما قلتلي ارجع لاهلك بس المرة دي انت اللي ترجع لاهلك مش انا
ورحت داخلة وقافلة البلكونة
بعدها بساعتين المحامي كلمني وقالي جوزك جه الشركة هو والست بتاعته والامن مرضيش يدخله
قلتله ليه
قالي عشان انا بلغت الامن ان مالكة الشركة الجديدة مانعة دخول اي حد بدون تصريح منها وان تصريحه هو اتلغى
قلتله برافو
جوزي اتصل بيا تاني وكان بيعيط بجد المرة دي
قالي انا اسف انا غلطت ارجعي
قلتله ارجع فين لبيت انت طردتني منه عشان تسكن فيه واحدة تانية وانت متجوزها من ست شهور من ورايا
قالي الست دي ضحكت عليا
قلتله لا انت اللي ضحكت على نفسك لما افتكرت ان الست اللي بتديرلك شركتك وحساباتك وبتنقذك كل مرة دي مجرد مراتك اللي تقدر تطردها بتلات شنط
انا مش مجرد مراتك انا النظام اللي كان مشغل حياتك كلها
قالي طب عايزة ايه
قلتله عايزة حاجتين
اول حاجة تطلقني وتديني كل حقوقي الشرعية والقانونية كاملة
تاني حاجة تمضي على بيع حصتك التسعة وتلاتين في المية ليا بتمنها الحقيقي اللي انا هحدده بعد تقييم الشركة وتاخد فلوسك وتمشي
قالّي ابيع حصتي ليكي انتي كده هتاخدي الشركة كلها
قلتله ما هي اصلا شركتي انت كنت ضيف تقيل فيها
سكت شوية وقالي والست اللي معايا
قلتله الست اللي معاك
دي مشكلتك انت مش مشكلتي انت اتجوزتها من ورايا وانت اللي تتصرف معاها بس العقد الزمرد بتاعي هيرجعلي بكرة الصبح مع سواق لحد البيت ولو مرجعش هرفع عليكو قضية سړقة
قفل السكة
تاني يوم الصبح الساعة تسعة السواق جاب العقد
وبعدها بيومين جوزي مضى على كل الورق
طلقني وباعلي حصته وخد فلوسه
الفلوس اللي خدها متجيش ربع اللي كان فاكر انه هياخده لما يطردني عشان الشركة كانت خسرانة من قراراته وانا اللي كنت شايلاها
اما الست الجديدة فاول ما عرفت انه مبقاش صاحب شركة وان حساباته اتجمدت وان الشقة اللي قاعدة فيها هتتباع عشان هي باسمي سابته في نفس الاسبوع
سمعت انها رجعت لجوزها الاولاني
اما هو فرجع بيت اهله اللي هو كان عايز يرجعني ليه
بيت اهله اللي هو اوضة وصالة في منطقة شعبية
النهاردة عدى تلات شهور
انا صاحبة الشركة مية في المية
غيرت اسمها من اسمه لاسمي انا
وكل الموظفين اللي كانوا هيطردوا لو الشركة فلست بقوا معايا وبياخدوا مرتباتهم في معادها واحسن من الاول
والبيت اللي كان طاردني منه بعته واشتريت بتمنه فيلا صغيرة احلى منه بكتير
وكل يوم الصبح بصحى اعمل قهوتي وافتح اللاب توب بتاعي واشوف ارقام شركتي بتزيد
وعرفت ان الست القوية مش هي اللي بتصوت وټعيط لما جوزها ېخونها
الست القوية هي اللي بتلم تلات شنط بهدوء وتمشي وهي واخدة معاها كل حاجة
هو كان فاكر انه طردني بتلات شنط
ميعرفش ان التلات شنط دول كان فيهم مستقبله كله
وبعد ما بعت البيت واشتريت الفيلا و بقيت صاحبة الشركة مية في المية افتكرت ان الحكاية خلصت
بس الحكاية لسه بتبدأ
بعدها بأسبوع جالي تليفون من رقم غريب
رديت لقيتها الست الجديدة
صوتها بيعيط وبتقولي ارجوكي عايزة اقابلك
قلتلها عايزة ايه مني تاني مش كفاية خدتي جوزي ولبستي عقدي وقعدتي على كنبتي
قالتلي انا عايزة احكيلك الحقيقة
قلتلها حقيقة ايه
قالتلي نتقابل في كافيه وانا هقولك كل حاجة
فكرت شوية وبعدين قلت ماشي هقابلك بس في مكان عام وقدام الناس
روحنا كافيه في وسط البلد
جات لابسة اسود وشكلها مبهدل خالص مش الست اللي كانت لابسة الزمرد وبتضحك ضحكة المنتصرة
قعدت قدامي وقالتلي انا لازم اعتذرلك
قلتلها تعتذريلي على ايه على انك اتجوزتي جوزي من ورايا ولا على انك قعدتي في بيتي
قالتلي على الاتنين
وبعدين قالتلي بس عايزاكي تعرفي ان جوزك هو اللي ضحك عليا انا كمان
قلتلها ازاي
قالتلي هو قالي انه مطلقك من سنة وانك انتي اللي سيبتي البيت ومش عايزة ترجعي وانه بيربي عيالكو لوحده وانك واخدة فلوسه كلها وهربانة
انا اټصدمت
قلتلها عيال ايه احنا معندناش عيال
قالتلي هو قالي عندكو ولدين
ضحكت من كتر الكدب
قلتلها ده كداب كدب السنين احنا معندناش عيال وهو مطلقنيش غير من اسبوع بس وفلوسه اصلا فلوسي انا
قالتلي ما انا عرفت كل حاجة لما الكروت اتجمدت والشركة اتقفلت في وشه
قالتلي انا كنت فاكرة اني اتجوزت راجل غني صاحب شركة كبيرة هيريحني من شقايا انا بشتغل في محل هدوم من وانا عندي خمستاشر سنة وكنت فاكرة اني اخيرا هلاقي حد يريحني
قلتلها فملقتيش غير راجل متجوز وبيكدب
قالتلي هو قالي انه بيحبني وانه هيكتبلي الشقة باسمي ويفتحلي بوتيك كبير باسمي
قلتلها الشقة اللي كان عايز يكتبها لك دي انا اللي دافعة اقساطها من ورث امي
سكتت وعيطت وقالتلي انا اتضحك عليا زيك بالظبط بس انتي كنتي اذكى مني انتي خدتي حقك انا مخدتش حاجة ده حتى العقد الزمرد اللي كنت لابساه طلع بتاعك انتي
قلتلها طب انتي عايزة ايه مني دلوقتي
قالتلي عايزاكي تسامحيني وتشغليني عندك في الشركة
بصيتلها باستغراب وقلتلها اشغلك
عندي ازاي بعد