جوزى والخلفه 1

جوزي عمل عملية لمنع الخلفة.. وبعدها بشهرين اكتشفت إني حامل.. طردني واتهمني في شرفي، بس اللي شافه في شاشة السونار خلاه يركع على ركبه!
أنا ليلى، متجوزة من طارق بقالنا 8 سنين. ظروفنا المادية كانت صعبة شوية، وطارق قرر من نفسه إنه يعمل عملية لمنع الإنجاب للرجال، وقالي ده عشان مصلحتنا، لحد ما نظبط أمورنا المادية نبقى نفكر في الخلفة تاني.
بعد العملية بشهرين بالظبط، حسيت بتعب، عملت اختبار حمل منزلي.. ولما شفت الخطين الحمر، اڼفجرت في العياط. كنت فاكراها معجزة من ربنا! إيدي كانت بتترعش من الفرحة وأنا ماسكة الاختبار، وجريت على طارق عشان أفرّحه.
كان قاعد في المطبخ بيشرب قهوته ببرود كأن مفيش حاجة في الدنيا تهمه.
قلتله بفرحة طارق.. أنا حامل!
لا ابتسم.. ولا حضنّي.. ولا حتى سألني إنتي كويسة؟
حط فنجان القهوة على الترابيزة بالراحة، وبصلي بنظرة كلها قرف وكأني عملت چريمة ماتتغفرش، وقالي مستحيل!
قلبي اتقبض، وسألته يعني إيه مستحيل؟
ضحك ببرود يوجع القلب وقالي أنا عامل العملية من شهرين يا هانم.. إنتي هتستعبطيني؟
الكلمة نزلت على راسي زي حتة حديدة. جوزي اللي بقالي معاه 8 سنين بيكدبني ويتهمني في شرفي!
حاولت أفكره بكلام الدكتور، إن العملية مش بتشتغل مية في المية في ساعتها، وإن لازم ناخد حذرنا في أول كام شهر عشان وارد جداً يحصل حمل. بس طارق كان خلاص قفل ودانه وعقله، وقالي بصوت يخوف
ابن مين ده؟ انطقي باسمه!
بصيتله وأنا مش مستوعبة إنت بتقول إيه؟
في الليلة دي، لمّ شوية من هدومه في شنطة، مش كلها، بس الشوية اللي يثبتولي إنه خلاص مجهّز مكان تاني يعيش فيه. وهو خارج قالي أنا رايح ل رانيا.
رانيا! زميلته في الشغل.. نفس الست اللي كانت بتعملي فيها صاحبتي، وبتكلمني تسألني على طريقة المكرونة البشاميل والمحشي، وتقولي يا بختك يا ليلى بطارق، جوازكم ده قصة حب بتتحسدوا عليها.
تاني يوم الصبح، لقيت حماتي داخلة عليا بشنطتين ژبالة سُود كبار. مش جاية تطبطب عليا ولا تسألني إيه اللي حصل.. دي جاية تلم باقي هدوم ابنها!
بصت لبطني باحتقار وقالتلي يا ڤضيحتنا وعاړنا.. طارق ابني مايستاهلش يتعمل فيه كده أبداً.
رديت بدموع أنا ماخونتوش والله العظيم!
ابتسمت بسخرية وقالت كلكم بتقولوا كده لما تتكشفوا.
في خلال أسبوع، كان الشارع كله وعيلتنا عارفين الحكاية. ليلى الخاېنة.. الست اللي حملت وجوزها عامل عملية!
طارق نزل صورة ليه مع رانيا وهم قاعدين في كافيه فخم في التجمع، وهي ماسكة إيده، وكاتب فوقها ساعات ربنا بيكشفلك الكدب والخداع، عشان يعوضك باللي يستاهلك بجد ويصونك.
قريت البوست وأنا قاعدة على أرض الحمام، مريضة، مقهورة، وخاېفة من بكرة.
بعد أسبوعين، طارق طلب يقابلني في كافيه عشان نخلص كل حاجة. راح وجايب معاه رانيا.. ومعاه ملف ورق.
قالي ببرود أنا عايز نخلص بالمعروف وتتنازلي عن كل حقوقك
والمؤخر والقايمة.. ولما تولدي، هعمل تحليل DNA للولد ده.
رانيا حطت إيدها على بطنها الممسوحة وابتسمتلي ببرود وقالت ده الأفضل للكل يا ليلى.
بصيتلها في عينيها وقولت للكل؟ ولا ليكي إنتي؟
طارق خبط على الترابيزة بعصبية بطلي دور الضحېة ده! إنتي اللي ډمرتي البيت ده مش أنا!
فتحت الملف اللي جايبه.. شروط تقهر تنازل عن كل حاجة، رمي في الشارع، والأبشع من كده بند بيقول لو ثبت إن الطفل مش ابنه، أنا اللي هدفعله كل مصاريف السنين اللي عشناها سوا تعويض ليه!
ضحكت بۏجع وقهر وقولتله أدفعلك إيه؟ تمن السنين اللي كنت بخدمك وبغسلك فيها هدومك؟
وش رانيا جاب ألوان، وطارق جز على سنانه امضي يا ليلى وماتفضحيش نفسك أكتر من كده.
قولتله الڤضيحة الحقيقية إنك تسيب مراتك وتجري في حضڼ عشيقتك بدل ما تاخدني لدكتور وتتأكد بنفسك.
وسيبت الورق وما مضيتش.
تاني يوم، رحت ميعاد السونار لوحدي. لبست أشيك فستان عندي، وسرحت شعري، وحطيت روج حتى وشفايفي كانت بتترعش. مكنتش بعمل كده عشانه.. كنت بعمل كده عشاني، وعشان حتة الروح البريئة اللي بتكبر جوايا.
الدكتورة منى استقبلتني بابتسامة ها يا ليلى، مفيش حد جي معاكي النهاردة؟
هزيت راسي ودموعي نزلت جوزي بيقول إن اللي في بطني ده مش ابنه.
الدكتورة ماحكمتش عليا، بس طلبت مني أنام على السرير. حطت الجيل الساقع، وشغلت الشاشة.
في الأول كان في ضل.. وبعدين حركة صغيرة.. وبعدين صوت نبض.. نبض قوي وسريع.. نبض حياة.
حطيت إيدي على بوقي وفضلت أعيط، وهمست أهلاً بيك يا حبيبي.
الدكتورة ابتسمت، بس وهي بتحرك جهاز السونار.. ابتسامتها اختفت!
كشرت.. وعملت زووم تكبير على الشاشة.. وبصت في ملفي الطبي بتاريخ عملية طارق.
صوتها اتغير وسألتني ليلى.. إنتي قلتيلي جوزك عمل العملية من امتى بالظبط؟
جسمي كله تلّج من شهرين.
سكتت شوية.. النبض كان شغال، بس كان في حاجة تانية على الشاشة مخلياها مبرقة.
سألتها بړعب في إيه يا دكتورة؟ ابني فيه حاجة؟
وطت صوتها وقالتلي ابنك زي الفل.. بس أنا عايزاكي تهدي خالص وتسمعيني كويس...
وفي اللحظة دي بالظبط.. باب العيادة اتفتح من غير استئذان.
طارق دخل، ووراه رانيا!
طارق قال بصوت عالي ووقاحة حلو أوي إننا جينا في وقتنا.. عشان الدكتورة تقولنا أخيراً